Андрей Курбский, князь, (1528 -1583), активный участник взятия Казани

И того же лета выправя дела великие стенобитные⁷²⁹ рекою Волгою, а сам сухим путем хотяще абие пойти. И прииде ему весть, иже царь Перекопский с великими силами на него идет, возбраняюще хождение ему на Казань, он же, аще и войско великое прежде, града поставления ради, послал, тако же и при делах множество воинов, но обаче, того ради, на Казань хождение на мало время отложил. И еще, аки бе з большою частью войска, иде сопротив предреченнаго оного врага Христова, и сам стал на Оке реке, ожидающе его ко сражению брани, во едином месте; а другие войска разложил по другим градом, яже лежат при той же реце, и выведыватися повелел о нем, бо не ведомо еще было, на которое место итти мел. Он же егда услышал: великий князь стоит с войском против его, готов над надежду его (бо певне споведался, иже уже на Казань пошел), тогда возвратился и облег место великое, мурованное, Тулу, аки во штинадесяти милех от места Коломны, идеже царь християнскии лежал с войском, ждуще его; а нас тогда послал со другими о нем выведыватися, и земли от взгонов бронити; и было с нами тогда войска аки пятьнадесять тысящеи. Мы ж, приплавясь через великую Оку реку со многим потщанием, того дня зело скоро устремишася, и приехаша аки 30 миль, и положишася к нощи на едином потоце, близу стражи царя Перекопского, от града же Тулы за пол-2⁷³¹ мили, под нимже сам царь стояше. Стража же Татарская утече ко царю, и поведа ему о множестве войска християнского, и мняще, иже сам князь великий прииде со всем своим войском; и тое нощи царь Татарский от града утече, аки миль 8, в поле дикое, за 3 реки препроводившеся, и дела некоторые и кули потопил, и порогов и верблюдов отбеже, и войско в воине оставил (бо 3 дни хотяще воевати, а 2 же дни точию под градом стоял, а против третьяго дня побежал).

На утро ж мы, воставши рано, поидохом ко граду и положихомся с войском, идеже шатры его стояли. Войска ж Татарского аки третина, або вяще, остала была в загонех, и шли ко граду, надеящеся царя их стояща. Егда ж разсмотриша и уведаша о нас, ополчишася противу нас Мы ж абие срозившеся с ними, и пребывала битва аки на пол 2 годины , потом помог Бог нам, християном, над бусурманы, и толико избиша их, яко зело мало осталось их, едва весть в орду возвратилась. На той то битве и сам аз тяшкие раны на телеси отнесох, яко на главе, так и на других составех.

Егда же возвратихомся ко цареви нашему, со пресветлым одолением, он же тогда повелел опочивати оному утружденному войску аки 8 дней. И по осми днях, сам поиде с воинством х Казани, на место великое, глаголемое Муром, еже лежит от поля уже х крайне, х Казанским пределом, и оттуду, через поле дикое, аки месяц шел ко оному предреченному новому граду, поставленному на Свияге, идеже воинство его ждало с великими делы и со многими запасы, яже приплыша Волгою, рекою великою. А нас тогда послал, со тремянадесять тысящеи люду, через Резанскую землю и потом через Мещерскую, идеже есть Мордовский язык'³³. Потом препроводясь, аки за 3 дни, Мордовские лесы, изидохом на великое дикое поле и идохом от него по правой руце, аки в 5 днях конем езду, понеже мы заслониша его тем войском, еже с нами шло, от Заволских Татар (бояшебося он, да не приидут на него безвестно те княжата Нагаиские); и аки бы по пяти неделях, со гладом и с нуждою многою, доидохом Суры реки великие, на устья Борыша речки, идеже и он в том же дни с воиски великими прииде. И того дни хлеба сухаго наядохомся со многою сладостию и благодарением, ово зело дорогаго купующе, ово позычающе от сродных, и приятель и другое; 6о нам его было не стало аки бы на 9 дней, и Господь Бог препитал нас и войско, ово рыбами, ово иными зверьми, бо в пустых тех полях зело много в реках рыб.